अप्टिमिष्ट क्लव अफ झापाको नेतृत्व चयन

झापा, जेठ ११। अप्टिमिष्ट क्लव अफ नेपाल अन्तर्गत गठन गरिएको अप्टिमिष्ट क्लव अफ झापाको अध्यक्षमा खगेन्द्र ओली चयन भएका छन् ।
संस्थाको बिर्तामोडमा भएको भेलाले ओलीको अध्यक्षतामा नयाँ कार्यसमिति चयन गरेको हो । यसअघि गत माघ १८ गते रक्तदान गरेर संस्थाको उद्घाटन गर्दै ओलीकै अध्यक्षतामा तदर्थ समिति गठन गरिएको थियो । नवगठित समितिको उपाध्यक्षहरुमा निरज ढुंगेल, मुकुन्द दाहाल, शिरोमणि पौडेल, सचिव रामप्रसाद काफ्ले, सहसचिव राजेन्द्रप्रसाद नेपाल र कोषाध्यक्ष युवराज मैनाली रहेका छन् । त्यस्तै सदस्यहरुमा रमेश ओली, गोमा भट्टराई, चिरञ्जीवी रेग्मी रहेका छन् भने प्रवक्तामा गोविन्द गिरी रहेका छन् ।
त्यस्तै संगठन बिस्तार गर्न संस्थाले विभिन्न उपसमितिहरु समेत गठन गरेको छ । उपसमिति अन्तर्गत संगठन बिस्तार उपसमितिमा माधव लम्साल, गोविन्द सिलवाल, कामेश्वर गणेश रहेका छन् । त्यस्तै आर्थिक संयोजन उपसमितिमा खगेन्द्र ओली, निरज ढुंगेल, शिरोमणि पौडेल रहेका छन् । त्यस्तै योजना उपसमितिमा राजनप्रसाद नेपाल, हेमराज श्रेष्ठ, सागर सिलवाल रहेका छन् भने सञ्चार उपसमितिमा तुलसीप्रसाद निरौला, गोविन्द गिरी, लक्ष्मी भट्टराई रहेका छन् ।
त्यस्तै महिला संगठन प्रमुखमा गोमा भट्टराई र संस्थाको प्रेस सल्लाहकारमा तुलसीप्रसाद निरौला रहेका छन् । विभिन्न सामाजिक कार्य गर्ने उद्देश्यले २५ जना झापाका युवा मिलेर गत माघ १८ गते रक्तदान गरी अप्टिमिष्ट नेपाल अन्तर्गत अप्टिमिष्ट क्लव अफ झापाको तदर्थ समिति गठन गरिएको थियो ।
अप्टिमिष्ट क्लव अफ नेपालको मातृ क्लव अमेरिकामा रहेको अप्टिमिष्ट इन्टरनेशनल क्लव भएको र नेपाल लगायत २५ वटा देशहरुमा अप्टिमिष्ट क्लवको स्थापना गरिएको अध्यक्ष ओलीले बताए । दक्षिण एसियामा पहिलो देशको रुपमा नेपालमा अप्टिमिष्ट क्लव अफ नेपालको स्थापना गरिएको उनले बताए । संस्थाले गत माघ १८ गते रक्तदान र गत चैत २४ गते झापाको बिर्तामोडबाट सामूहिक आँखा दान राष्ट्रिय अभियान शुभारम्भ गरेको उनले बताए । संस्थाले विभिन्न सामाजिक कार्यक्रमहरु सञ्चालन गर्दै लैजाने उनले जानकारी दिए ।

प्रतिक्रिया दिनुहोस्


बिर्तामोड नगरपालिका १ अतिथि सदन छेऊ झापा
नेपाल

© 2018 All Right Reserved Purwanchal Nationa Daily
DEVELOPED BY appharu.com