हजारौंले गरे शिवलाई जलाअर्पण

२८ श्रावण २०७०, सोमबार मा प्रकाशित

अर्जुनधारा,साउन २८। पूर्वको पशुपतिनाथले परिचित झापाको अर्जुनधारा जलेश्वरधाममा यस वर्षको श्रावणी पर्व अन्तिम सोमवार हजारौं  भक्तजनहरुले भगवान शिवलाई जलाअर्पण गरेका छन् ।
विहान तीन बजेबाट सुरु भएको जल अर्पण कार्यक्रममा झापा सहित पूर्वाञ्चल विकास क्षेत्र र छिमेकी राष्ट्र भारतको असाम,पश्चिम बँगाल राज्यका विभिन्न स्थानहरुबाट धाममा जलाअर्पण गर्न ठूलो संख्यामा भक्तजनहरु धाममा आएको धाम समितिका कोषाध्यक्ष मनोज जोशीले बताए ।
पैदल तथा विभिन्न सवारी साधनहरुमा आएका भक्तजनहरुको भीडलाई व्यवस्थित एवं सुविधायुक्त तरिकाले जल अर्पण गर्नका लागि स्थानीय स्वंयसेवक,नेपाल प्रहरी,सशस्त्र प्रहरी र ट्राफिक प्रहरीहरुलाई व्यापकरुपमा परिचालन गरिएको धाम समितिका कोषाध्यक्ष जोशीले जानकारी दिए ।

प्रतिकृया व्यक्त गर्नुहोस् ।