झापा,
संचारकर्मी देशराज नेम्बाङको निर्देशनमा ‘सम्बन्ध’ म्यूजिक भिडियो सार्वजनिक भएको छ ।
सुरज जबेगुको शब्द, संगीत र मिक्स एण्ड मास्टरिङमा तयार भएको गीत काव्य रेकर्डिङ स्टुडियो दमकमा रेकर्डिङ गरिएको हो । इलाम र झापाका विभिन्न ठाउँमा छायाङ्कन गरिएको भिडियोमा कलाकारहरु सुरज जबेगु, मिना नेम्बाङ र शैलेश लिम्बुको अभिनय हेर्न सकिन्छ । देशराज नेम्बाङको छायाङ्न रहेको म्यूजिक भिडियो सुरज जबेगुको दृश्य सम्पादनमा बनेको छ ।
भिडियोमा वैदेशिक रोजगारका कारण परिवारमा आएको सामाजिक विचलनको कथा प्रस्तुत गरिएको छ । कथामा श्रीमान श्रीमती हुन्छन् । उनीहरुबिच प्रगाढ माया हुन्छ । दाम्पत्य जीवन सुखद चलिरहेको हुन्छ । एकदिन अचानक श्रीमानले विदेश जाने निर्णय सुनाउँछ । श्रीमती दुखी हुन्छिन् । तथापी श्रीमान विदेश जान्छ । जब विदेशबाट फर्कन्छ । श्रीमतीको अर्कैसँग माया बसेको हुन्छ । त्यसपछि श्रीमान विरक्त जीवन भोग्दै भिडियो अत्य हुन्छ ।
यो म्यूजिक भिडियो नेम्बाङको दोस्रो निर्देशन हो । यसअघि मन्जिल बस्नेतको शब्द÷संगीत, अजय लिम्बुको स्वरमा रहेको गीत ‘सुर्यको पहिलो किरण…’ को म्यूजिक भिडियोबाट डेब्यू गरेका थिए ।
समदर्शी टिभीको प्रस्तुती एवं मुनाल प्रोडक्सनको निर्माणमा बनेकोे भिडियो समदर्शी टिभी युटुव च्यानल मार्फत सार्वजनिक गरिएको छ ।
भिडियो यो लिङ्कमा हेर्न सकिनेछ :