अमृता खरेल,
यी हजारौं अनुहारहरूको भीडमा
एक अनुहार यस्तो हुन्छ …
कतै आफू जस्तै हुन्छ
कतै तिमी जस्तै हुन्छ ।
कोही मुस्कानसँगै जिन्दगीका रङ बोक्छन्
कोही आँशुसँग जिन्दगीका ढंग बेच्छन्।
यी लाखौं सपनाहरुको भिडमा
एउटा सपना यस्तो हुन्छ …..
कतै आफू जस्तै हुन्छ
कतै तिमी जस्तै हुन्छ ।
भन्यो मनले,
जानेलाई जान देऊ
खुशी खुशी जीन्दगीबाट
छैन अजम्बरी कोही
जानुनै त छ
एकदिन यो संसारबाट ….
ऊ फूलको मायाले रोएको छ
तिमी जूनको यादमा नरोऊ
सिकाएको छ पाठ जिन्दगीले यही,
जिन्दगीकै परिधिबाट …
यी करोडौं श्वासहरुको भीडमा
एउटा धड्कन यस्तो हुन्छ ।
कतै आफू जस्तै हुन्छ
कतै तिमी जस्तै हुन्छ ।
भद्रपुर, झापा
प्रतिकृया व्यक्त गर्नुहोस् ।
