झापा,
सर्पदंशबाट झापामा एकजनाको मृत्यु भएको छ।
मृत्यु हुनेमा बाह्रदशी गाउँपालिका-१ स्थित भागडुब्बा निवासी ५५ वर्षीय मानबहादुर थापा रहेको प्रहरी कार्यालय झापाका डिएसपी राकेश थापाले जानकारी दिए।
थापालाई उनकै घरको कोठामा शनिबार दिउँसो साढे १ बजे गोमन सर्पले डसेको थियो।
सर्पले डसेपछि उपचारका लागि मेची अस्पताल भद्रपुरमा ल्याइएको र उपचारका क्रममा उनको दिउँसो ४:२५ बजे मृत्यु भएको प्रहरीले जनाएको छ।
