काठमाडौँ ।
गीतकार प्रलाद शाहको शब्द रचनामा रहेको प्रेमिल शैलीको बिल्कुलै नयाँ म्युजिक भिडियो ‘सितल जुन’ सार्वजनिक भएको छ।
मायालु जोडीहरुको भावनालाई समेटेर लेखिएको गीतमा एक अर्काको साथ बिना जिन्दगी सुन्दर हुदैन थियो भन्ने भाव व्यक्त गरिएको छ।
यस गीतमा युवा पुस्ताकि चर्चित गायिका अस्मिता अधिकारी र भोइस अफ नेपाल फेम्ड गायक आर्यन तामाङको युगल गायन रहेको छ। गीतमा कल्याण सिंहको संगीत रहेको छ भने गोपाल रसाइलीले यस गीतलाई संगीत संयोजन गरेका हुन्।
युवा युवती बीचको प्रेम र आकर्षणलाई गीत प्रस्तुत गरिएको भिडियोमा दिपक घिमिरे र पुजा ठाकुरलाई रोमाण्टिक मुडमा देख्न सकिन्छ। बुद्ध थापाले छायांकन गरेको भिडियोलाई दिन्सन शाहले सम्पादन गरेका हुन्।
होप इन्टरनेशनलले प्रायोजन गरेको भिडियोलाई गणेश शाहीको निर्देशनमा तयार पारिएको हो। भाका इन्टरटेनमेन्टको आधिकारिक युट्युव च्यानल मार्फत भिडियो सार्वजनिक गरिएको हो।
