मोरङ।
मोरङको बिराटनगर महानगरपालिका–१० बसपार्कबाट जागिर लगाई दिन्छु भन्दै ठगी गर्ने एक जनालाई प्रहरीले पक्राउ गरेको छ ।
पक्राउ पर्नेमा गोर्खाको लखन गाउँपालिका -२ का ३८ बर्षिय गणेशराज अर्याल रहेका छन् । अर्यालले उदयपुर त्रियुगा नगरपालिका- ८ का उमेशकुमार दनुवार र प्रेम कुमार दनुवारबाट पटक पटक गरी नगद एक लाख ७३ हजार रुपैंया रकम ठगी गरेका थिए ।
पक्राउ परेका अर्यालको जिल्ला अदालत मोरङबाट ठगी कसूरमा म्याद थप गरी अनुसन्धान भईरहेको प्रहरीले जनाएको छ ।