दमक,
नेपाली उपभोक्ता हित संरक्षण महासंघको एफएनसिपिको जिल्ला समिति निर्माण भएको छ । झापाको दमकमा महासंघका प्रदेश अध्यक्ष नारायण योङहाङ र महासचिव बिष्णुप्रसाद पोखरेलको उपस्थितिमा महासंघको जिल्ला समिति निर्माण भएको हो ।
दीपु चापागाई (सन्दिप)को अध्यक्षतामा बनेको समितिको उपाध्यक्ष शिवभक्त शाही, सचिवमा बिरोध सुवेदी, सह सचिवमा सुरेन्द्र भण्डारी र कोशाध्यक्षमा राधा पोखरेल रहेकाछन् । गृह मन्त्रालय मार्फत उद्योग, बाणिज्य तथा आपूर्ति मन्त्रालयको रायमा महासंघ स्थापित भएको हो ।
प्रदेश अध्यक्ष योङहाङले महासंघको जिल्ला समितिहरु बिस्तार शुरु भएको छ । प्रदेशभरका जिल्लाहरुमा महासंघ गठन शुरु भएको र झापामा पहिलो जिल्ला समिति बनेको पनि उनले जनाए । जिल्लापछि स्थानीय तहहरुमा पनि महासंघ बन्ने छ । प्रदेश कोशाध्यक्ष रुपा सेलिङ लगायतको उपस्थिति रहेको थियो ।
कालोबजारी तथा समाजमा रहेका विकृतीहरु बिरुद्ध आवाज उठाउन स्वतन्त्र निकायको रुपमा महासंघ स्थापित भएको महासंघका केन्द्रिय अध्यक्ष चन्द्र साउदले बताएकाछन् । देशभर नै प्रदेश र जिल्ला स्तरमा महासंघ विस्तार भइरहेको पनि उनको भनाई छ ।