झापा,
सुरेन्द्र भण्डारी
सुरुङ्गा, नेपाल कम्युनिष्ट पार्टी(एमाले)का अध्यक्ष केपी शर्मा ओलीको गृहनगर दमक नगरपालिकाको प्रमुख पदमा राष्ट्रिय प्रजातन्त्र पार्टी बिजयी भएको छ ।
राष्ट्रिय प्रजातन्त्र पार्टीका तर्फबाट उम्मेद्वार बन्नु भएका रामकुमार थापा नगरप्रमुखमा निर्बाचित हुनु भएको हो भने उपप्रमुखमा नेपाली कांग्रेसबाट रेगिना भट्टराई निर्वाचित हुनु भएको हो ।
नगर प्रमुखमा निर्वाचित थापाले १७५२५ मत प्राप्त गर्नुभयो । उहाँका निकटतम प्रतिष्पर्धी नेपाल कम्युनिष्ट पार्टी (एमाले)का तर्फबाट उम्मेद्वार रहनु भएकी गीता कुमारी पाौडेल अधिकारीले १७०७२ मत प्राप्त गर्नुभयो । थापा र अधिकारीको मतान्तर ४५३ रहेको छ ।
अधिकारी २०७४ सालमा भएको स्थानीय तहको निर्वाचनमा सोही नगरको उपप्रमुखमा निर्वाचित हुनुहुन्थ्यो ।
यता उपप्रमुख पदमा निर्वाचित भट्टराईले १६९६६ मतन प्राप्त गर्दा नेपाल कम्युनिष्ट पार्टी(एमाले)का उम्मेद्वार अम्विका प्रसाद खनालले १६५७४ मत प्राप्त गर्नुभयो । उपप्रमुख पदमा भट्टराई र खनालको मतान्तर भने ३९२ रहेको छ ।
५८ हजार १ सय ७६ मतदाता रहेको यो नगरमा १८ हजार ७ सय १६ पुरुष र २१ हजार १ सय ७९ जना महिला गरी ३९ हजार ८ सय ९५ जनाले मतदान गरेका थिए ।
दमक नगरपालिकामा राष्ट्रिय प्रजातन्त्र पार्टीसंग गठबन्धन भएको थियो । जसमा नेपाली कांग्रेसले प्रमुख पद राप्रपालाई दिएको थियो भने उपप्रमुख पद नेपाली कांग्रेसले लिएको थियो । जसका कारण दुवै पद गठबन्धनले हात पारेको हो । योसँगै दमकमा एमालेको लामो समयदेखिको विरासत ढलेको छ ।
वडा तर्फभने दमक १ मा नेपाल कम्युनिष्ट पार्टी(एमाले)का तर्फबाट हरि प्रसाद न्यौपाने, २ मा नेपाल कम्युनिष्ट पार्टी(एमाले)का तर्फबाट प्रजापति सापकोटा, ३ मा नेपाल कम्युनिष्ट पार्टी(एमाले)का तर्फबाट नवीन वरााल, ४ मा नेपाली कांग्रेसका पुण्य प्रसाद दाहाल निर्वाचित हुनभयो ।
त्यस्तै दमक नगरपालिका वडा नम्वर ५ मा नेपाल कम्युनिष्ट पार्टी(एमाले)का इन्द्र वहादुर गुरुङ, ६ मा नेपाल कम्युनिष्ट पार्टी(एमाले)का टेकवहादुर थापा , ७ मा राष्ट्रिय प्रजाातन्त्र पार्टीका भीम प्रसाद पौडेल, ८ मा नेपाल कम्युनिष्ट पार्टी(एमाले)का धर्म प्रसाद दाहाल, ९ मा नेपाल कम्युनिष्ट पार्टी(एमाले)का कुवेर प्रसाद भट्टराई र वडा नम्वर १० मा नेपाली कांग्रेसबाट राजेन्द्र प्रसाद भण्डारी निर्वाचित हुनुभयो ।
दमकमा ६ दलीय गठबन्धनबाट राप्रपाका थापालाई प्रमुखका साझा उम्मेद्वार बनाइएको थियो । मतगणनाको शुरुदेखि नै दमकमा गठबन्धन र एमालेबीच कडा कडा प्रतिष्पर्धा रहेको थियो ।
