झापा ।
झापाको बाह्रदशी–३ राजगढ घर भई हाल वैदेशिक रोजगारको सिलसिलामा पोल्याण्डमा कार्यरत धर्मेन्द्रकुमार राजवंशीको मृत्यु भएको छ ।
पोल्याण्डको पोज्नान नजिक एक कम्पनीमा काम गर्दै आएका राजवंशीको के कारणले मृत्यु भएको भन्ने गैर आवासीय नेपाली संघ (एनआरएनए) पोल्यान्डले खुलाएको छैन । उनको शव अन्त्येष्टिको लागि नेपाल पठाउने अन्तिम तयारी भइरहेको जनाइएको छ ।
उनको परिवारलाई सहयोग गर्न एनआरएनए पोल्यान्डको खातामा सहयोग रकम जम्मा गर्न सकिने एनआरएनए पोल्यान्डले जनाएको छ ।
राजवंशीको निधनको खबरले हामीलाई दुखित तुल्याएको छ । यस दुःखद घडीमा दिवंगत आत्माको चीर शान्तिको कामना गर्दै शोक सन्तप्त परिवारप्रति हार्दिक समवेदना व्यक्त गर्दछौँ’– एनआरएनएले एक विज्ञप्ति जारी गर्दै भनेको छ ।