पथरीशनिश्चरे,
महिला हिंसाविरुद्धको १५ दिने अभियान अन्तर्गत बेलबारी नगरपालिका क्षेत्रभित्र विभिन्न क्षेत्रमा योगदान गरिरहेका ६ जना महिलाहरु लाई सम्मान गरिएको छ ।
लैगिंक हिंसा रोक्न हाम्रो भुमिका बिषयक छलफल कार्यक्रममा बेलबारी नगरपालिकाका प्रमुख दिलप्रसाद राई र उपप्रमुख नितु थापा कोईरालाले बेलबारी १ मा रहेको दिपज्योति नारी बिकास संस्थाकी अध्यक्ष पार्बती बराल,परिश्रमी सामाजिक उद्यमी महिला सहकारीकी अध्यक्ष गंगा श्रेष्ठ,सिंहदेवी आधारभुत बिद्यालय बेलबारी २ की प्रधानाध्यापक कमला निरौला,श्रीजंगा आधारभुत बिद्यालय बेलबारी ४ की प्रधानध्यापक सुनिता याख्खा,महेन्द्र मावि बेलबारी १० की प्रधाध्यापक दिक्षा तुम्सा र जनता आधारभुत बिद्यालय बेलबारी ५ की प्रधानध्यापक भवानी चौहानलाई दोषल्ला ओढाएर सम्मान गरिएको थियो ।
कार्यक्रममा ओरेक नेपाल बिराटनगरकी सरस्वती दनुवारले महिला हिंसाका बारेमा आफनो धारणा ब्यक्त गरेकी थिईन् । बेलबारी नगरपालिकाकी उपमेयर नितु थापाको अध्यक्षतामा भएको कार्यक्रममा नगरप्रमुख दिलप्रसाद राई लगायतले महिला हिंसाका बारेमा आफनो धारणा राख्नु भएको थियो ।
कार्यक्रम बेलबारी नगरपालिका महिला तथा बालबालिका शाखाकी कर्मचारी सम्झना अर्यालले सञ्चालन गरेकी थिईन् ।
