पथरीशनिश्चरे ।
मोटरसाईकल चोरी गर्ने एक जनालाई प्रहरीले पक्राउ गरेको छ।
गत २६ गते इलाका प्रहरी कार्यालय पथरीबाट खटिएको ट्राफिक प्रहरी सहितको संयुक्त टोलीले मोरङ्गको मिक्लाजुङ–६ बस्ने १९ वर्षीय अनिश मगरलाई प्रकाउ गरेको हो।
प्रहरीले मोरङ्गको पथरी शनिश्चरे–१० स्थित पूर्व–पश्चिम लोकमार्गमा सवारी साधन चेकजाँच गर्ने क्रममा मगरलाई प्रकाउ गरेको थियो।
मे ५ प २१५१ नम्बरको मोटरसाईकल चेकजाँच तथा सोधपुछ गर्दा मिक्लाजुङका मगर सोहि गाउँपालिका–७ बस्ने मनोजकुमार सुबेदीको घर आँगनमा पार्किङ गरी राखेको अवस्थामा चोरी गरेको वयान दिएपछि पथरी प्रहरीले मोटरसाइकलसहित मगरलाई उर्लावारी स्थित इलाका प्रहरी कार्यालयमा बुझाएको छ।
मोटरसाइकल चोरी गरेको स्थान इलाका प्रहरी कार्यालय उर्लाबारी मोरङको एरिया पर्ने भएकोले अनुसन्धान एवम् आवश्यक कार्वाहीको लागि उर्लाबारीमा पठाईएको ईप्रका पथरीले जनाएको छ।
