पूर्वाञ्चल ल्युब आयल लिमिटेड (पिएलओ)ले आइपीओ जारी गर्ने

२० माघ २०७९, शुक्रबार मा प्रकाशित

पथरीशनिश्चरे,

मोरङको सुन्दरहरैंचामा रहेको पूर्वाञ्चल ल्युव आयल लिमिटेड (पिएलओ)ले आइपीओ जारी गर्ने भएको छ।

आगामी आर्थिक वर्षमा आइपीओ जारी गर्ने गरी बुधबार पीएलओले सम्झौता गरेको हो । शेयर निष्कासनका लागि भएको सम्झौता पत्रमा पीएलओका तर्फबाट प्रबन्ध निर्देशक भोलेश्वर दुलाल र क्यापिटलका तर्फबाट प्रबन्ध निर्देशक दिनेश थकालीले हस्ताक्षर गरेका छन्।

पीएलओको ४ लाख कित्ता शेयर अल्फा प्लस भेन्चर्स लिमिटेडले खरीद गरेको छ। अल्फा प्लस भेन्चर्सका तर्फबाट प्रबन्ध निर्देशक अंगीश घिमिरे र पीएलओका तर्फबाट प्रबन्ध निर्देशक दुलालबीच शेयर खरीद बिक्री सम्झौतामा समेत गरेका छन्। प्रालिका रुपमा रहेको पीएलओ पब्लिक कम्पनीमा गइसकेकाले सर्वसाधारणमा शेयर जारी गर्न लागिएको प्रबन्ध निर्देशक दुलालले जानकारी दिए।

आगामी आर्थिक वर्षमा कम्पनीले ५ लाख कित्ता शेयर सर्वसाधारणमा प्रिमियम मूल्यमा बिक्री गर्ने जनाइएको छ। शेयरमध्यें १० प्रतिशत अर्थात् ५० हजार कित्ता शेयर स्थानीयवासीलाई र ५० हजार कित्ता शेयर कर्मचारीलाई बिक्री गरी बाँकी रहेको ४ लाख कित्ता शेयर सर्वसाधारणमा बिक्री गरिने प्रबन्ध निर्देशक दुलालले जानकारी दिनुभयो।

प्रतिकृया व्यक्त गर्नुहोस् ।

LEAVE A REPLY

Please enter your comment!
Please enter your name here