बिर्तामोड ।
सहारा हाफ म्याराथनको उपाधि सञ्जय श्रेष्ठ र पुष्पा भण्डारीले जितेका छन् । मंगलबार भएको पुरुष हाफ म्याराथनमा श्रेष्ठ नेपाली सेनाले निर्धारित दुरी १ घण्टा ६ मिनेट २२ सेकेण्डमा पूरा गर्दै चारपाने झापामा च्याम्पियन बनेका छन् ।
त्यस्तै, महिलातर्फ सशस्त्र प्रहारी बाल नेपालको भण्डारीले निर्धारित दुरी १ घण्टा २१ मिनेट १७ सेकेण्डमा पार गर्दै च्याम्पियन बनिन् । श्रेष्ठ र भण्डारीले उपाधिसहित ५१ हजार नगद, मेडल र प्रमाणपत्र प्राप्त गरेका छन् ।
त्यस्तै पुरुषतर्फ केन्याका धावक सिमोन किपलागाटोले १ घण्टा ७ मिनेट १७ सेकेण्डमा दुरी पुरा गर्दै दोस्रो भए । आर्मीका मोहनदेव जोशीले १ घण्टा ७ मिनेट २२ सेकेण्डमा दौड पूरा गरी तेश्रो स्थान हासिल गरिन् । दोस्रो हुने सिमोनालेले ३१ हजार पदक र प्रमाणपत्र प्राप्त गरे भने तेस्रो हुने जोसिलीले २१ हजार मेडल र प्रमाणपत्र प्राप्त गरे ।
महिलातर्फ नेपाल सेन्टिनेलकी रेखा बिष्टले निर्धारित दुरी १ घण्टा २४ मिनेट ३४ सेकेण्डमा पूरा गरी तेस्रो र नेपाल सेन्टिनेलकी सुमित्रा चौधरीले १ घण्टा २९ मिनेट ३० सेकेन्डमा दुरी पूरा गरिन् । दोस्रो हुने बिष्टले ३१ हजार, मेडल र प्रमाणपत्र प्राप्त गरे भने तेस्रो हुने चौधरीले २१ हजार, मेडल र प्रमाणपत्र प्राप्त गरे ।
पुरुषतर्फ आर्मीका खड्गबहादुर खड्का चौथो, हरि रिमाल पाँचौ, देवराज बस्नेत छैटौं, प्रेमबहादुर बस्नेत सातौं स्थानमा रहे । पाँचथरका दीपक सुहाङ आठौं, धरानका प्रशान्त तामाङ नवौं र आर्मीका जितेन्द्र दनुवार दशौं भए ।
महिलातर्फ सशस्त्र गार्डकी सीमा चौधरी चौथो, ताप्लेजुङकी सम्पालुङ शेर्पा पाँचौ, धरानकी कल्पना राई छटु, आर्मीकी पनिशा गुरुङ सातौं, धरानकी जमुना गुरुङ आठौं, आर्मीकी अनिता रेग्मी नवौं र आर्मीकी शकुन्तला विक दशौं भए ।
चौथो देखि दशौं हुने पुरुष तथा महिला धावकले सान्त्वना पुरस्कार स्वरुप नगद ५ हजार सहित प्रमाणपत्र प्राप्त गरे । प्रतियोगितामा ५३४ महिला र पुरुष धावकहरुको सहभागिता रहेको थियो । यसैबीच, सहारा हाफ म्याराथनमा नेपालका कीर्तिमान राख्ने ओलम्पियन बैकुण्ठ मानन्धर, ओलम्पियन हारु डुम्बर कंवर र मेनुका राउत र भट्रान्स धावक बुधवीर लमलाई नागडलाई सम्मान गरिएको साकोसका कार्यकारी प्रमुख महेन्द्रकुमार गिरीले जानकारी दिए ।
उनीहरु खेलाडीलाई प्रोत्साहन गर्न चार्पणमा आएका थिए । मानन्धरलाई नगद २५ हजार, लमलाई नगद ११ हजार र कुँवर र रौतलाईलाई नगद ५ हजार र प्रमाणपत्रले सम्मान गरिएको थियो । सहारा नेपाल साकोस्लेले आफ्नो २८ औं स्थापना दिवसको अवसरमा प्रतियोगिता आयोजना गरेको छ ।
जिल्ला खेलकुद विकास समिति झापाको समन्वयमा भएको प्रतियोगितामा विभिन्न क्षेत्रका खेलाडीहरुको उत्साहजनक सहभागिता रहेको थियो । जिल्ला खेलकुद विकास समितिका अध्यक्ष तथा सहारा नेपाल साकोसका अतिरिक्त क्रियाकलाप उपसमितिका संयोजक भेषराज भण्डारी प्रशान्तले प्रतियोगिता ऐतिहासिक रुपमा सफल भएको र यसको निरन्तरताका लागि अगाडि बढ्नुपर्ने बताए ।
