अर्जुनधारा ।
युवा समितिको आयोजना र अर्जुनधारा–१ नं. वडा कार्यालयको आर्थिक सहयोगमा स्थानीय नमूना बजारमा शनिबार रक्तदान कार्यक्रम सम्पन्न भएको छ ।
समितिका अध्यक्ष तीवेन्द्र काफ्लेको अध्यक्षतामा आयोजित कार्यक्रममा अध्यक्ष काफ्लेले रक्तदान गर्दै उक्त कार्यक्रमको उद्घाटन गरेका थिए ।
नेपाल रेडक्रस सोसाईटी झापा शाखा र नेरेसो खुदुनावारी उपशाखाको प्राविधिक सहयोगमा आयोजित उक्त कार्यक्रममा ३४ जना दाताले रक्तदान गरेको अध्यक्ष काफ्लेले जानकारी दिए ।