योगेन्द्र योगी,
मोरङ ।
ब्राउन सुगरसहित सुन्दरहरैचाका चार जना युवालाई प्रहरीले पक्राउ गरेको छ।
पक्राउ पर्नेहरुमा मोरङ सुन्दरहरैचा नगरपालिका ४ का २१ बर्षीय मनिष चौधरी, २५ बर्षीय अशोक ऋषिदेव, ३१ बर्षीय नवीन कार्की र ३२ बर्षीय बिष्णु चौधरी रहेको जिल्ला प्रहरी कार्यालय मोरङले जनाएको छ।
उनीहरुलाई २.१५ ग्राम ब्राउन सुगरसहित विराटनगर महानगरपालिका १५ स्थित १ नम्बर ढाटबाट लागूऔषध नियन्त्रण व्युरो विराटनगरबाट खटिएको प्रहरी टोलीले पक्राउ गरेको हो। ब्राउन सुगरसहित पक्राउ परेका उनीहरुको थप अनुसन्धान भईरहेको कोशी प्रदेश प्रहरी कार्यालय बिराटनगरले जनाएको छ ।
यता झापाको बिर्तामोड नगरपालिका ३ का १९ बर्षीय बिबेक खड्का र २१ बर्षीय सरोज चौधरीलाई झापा भद्रपुर नगरपालिका ५ मेचीपुलबाट ब्राउन सुगर २७० मिलिग्राम सहित मेचीपुल बिटबाट खटिएको प्रहरी टोलीले पक्राउ गरेको प्रहरीले जनाएको छ ।
