कौशल भण्डारी
अर्जुनधारा , नेपाली कांग्रेस अर्जुनधारा नगरसमितिले बीपीको १११ औं जन्मजयन्तीको अवसरमा वृक्षारोपण तथा सम्मान कार्यक्रम गरेको छ ।
नेपाली कांग्रेस अर्जुनधारा नगर समितिको आयोजनामा पार्टीको नगर कार्यालय प्राङ्गणमा बृक्षरोपण एवं विचार गोष्ठी कार्यक्रम सम्पन्न भएको हो । पार्टीका नगर सभापति हेमराज खरेलको सभापतित्व र नेपाली कांग्रेस कोशी प्रदेस समिति सदस्य राजकुमार बराइलीको प्रमुख आतिथ्यमा सम्पन्न कार्यक्रममा कोशी प्रदेश समिति सदस्य रञ्जिता कार्की, महासमिति सदस्य सिता पौडेल, प्रदेशसभा ख का सभापति किरण श्रेष्ठ, कुमार भट्टराई लगायतले मन्तब्य राखेका थिए ।
पार्टीका तर्फबाट निर्वाचित पूर्व अर्जुनधारा गाविस अध्यक्ष एवं पूर्व महाधिवेशन प्रतिनिधि मित्रसेन भटराईलाई सम्मान गरिएको कार्यक्रममा स्वागत उपसभापति प्रशान्त भण्डारी र सञ्चालन मेदनी गुरागाईले गरेका थिए ।
कार्यक्रममा क्षेत्रीय सदस्य कुमार भट्टराईले विकास सिद्धान्तबारे बीपीको सिद्धान्तमा किन नेपाली कांग्रेस हिड्न नसकेको हो कि भन्दै प्रतिप्रश्न गर्दै अब पार्टीले सबै कार्यकर्तालाई यस विषयमा वुझाउनु पर्ने धारणा राखेका थिए ।
