झापा । बिर्तामोड नगरपालिका वडा नम्वर १ ले वडा सचिव टिका अधिकारीको विदाई गरेको छ ।
वडा कार्यालयमा आयोजित कार्यक्रमकाबीच वडा सचिव अधिकारीको विदाईसंगै वडा सचिवका रुपमा जानुका बस्नेतलाई स्वागत गरेको हो ।
वडा सचिव अधिकारी बिर्तामोड नगर अस्पतालमा प्रशासन प्रमुखका रुपमा सरुवा भएकी हुन् ।
वडाध्यक्ष अग्नि पाण्डेको अध्यक्षतामा आयोजित कार्यक्रमकाबीच उत्कृष्ट कर्मचारीका रुपमा कम्प्युटर अपरेटर डिना काफ्लेलाई नगद सहित सम्मान गरिएको थियो ।
वडा सदस्य योगचन्द्र आङ्वोहाङ्गले स्वागत गरेको कार्यक्रममा नेकपा एमालेका तर्फबाट सुनिल शिवाकोटी, राष्ट्रिय स्वतन्त्र पार्टीका वालकृष्ण निरौला, राप्रपाबाट जनक खड्का,टोल विकास संस्थाका तर्फबाट भोजकुमारी खनाल, ओमनाथ अधिकारी त्यस्तै तीलरुपा श्रेष्ठ, प्रेमकुमार खरेल लगायतले शुभकामना मन्तव्य राखेका थिए । कार्यक्रमको सञ्चालन वडाकी कर्मचारी गीता नेपालले गरेकी थिइन् ।
