झापा, पाँच वर्षीया नाबालिकालाई अप्राकृतिक मैथुन (ओरल सेक्स) गर्न लगाएको आरोपमा झापामा एक व्यक्ति पक्राउ परेका छन् ।
पक्राउ पर्नेमा बिर्तामोड नगरपालिका – ३ शैनिकमोड निवासी ५२ वर्षीय प्रदीप साह रहेको इलाका प्रहरी कार्यालय अनारमनीले जनाएको छ । उनले गत भदौ २७ गते बेलुका पीडित भनिएकी नावालिकालाई ललाईफकाई गर्दै मुख मैथुन गराएको बताइएको छ ।
घटनाबारे बालिकाले आफ्ना अभिभावकलाई बताएपछि उनीहरुले इलाका प्रहरी कार्यालय अनारमनीमा उजुरी दिएका थिए । उजुरी लगत्तै प्रहरीले साहलाई प्रक्राउ गरेको र थप अनुसन्धान भइरहेको इलाका प्रहरी कार्यालय अनारमनीका प्रहरी नायव उपरीक्षक प्रकाश विष्टले बताए ।
