बिर्तामोड ।
झाापाको बिर्तामोडमा भएको फुटसल प्रतियोगितामा चारआली जेसीज विजयी बनेको छ ।
वीरता जेसीजद्वारा आयोजित दोस्रो जेसीज अन्तर शाखा फुटसल प्रत्योगितामा बुधबारे जेसीजलाई पराजित गर्दै को चारआली जेसीज विजयी बनेको हो । प्रतियोगितामा ४–१ गोल अन्तरले पराजित गर्दै चारआलीले उपाधि चुमेको हो ।
नेपाल जेसीजको पूर्वराष्ट्रिय कार्यकारिणी उपाध्यक्ष तथा सामाजिक अभियन्ता सिनेटर विनोद बस्नेतको प्रमुख आतिथ्यमा भएको प्रतियोगितामा झापामा रहेका विभिन्न जेसीजहरुले सहभागिता जनाएका थिए ।
प्रतियोगितामा झापा जिल्ला खेलकुद विकास समितिका अध्यक्ष सिनेटर प्रसान्त भण्डारीले विजेता तथा उपविजेता टिमलाई पुरस्कार वितरण गरेका थिए । दोस्रो जेसीज अन्तर शाखा फुटसल प्रत्योगिताको संयोजक प्रभास थापा मगरले स्वागत गरेको प्रतियोगितामा जेसीज आस्था विज्ञान पौडेल र मिसन भिजन जुनियर जेसीजका सलिना गुरागाईले वाचन गरेका थिए ।
बुधबारे जेसीजका अध्यक्ष दुर्यधन सिह राजपुत, भद्र्पुर जेसीजका अध्यक्ष टीकाराम पाण्डे, जीवन खड्का , नेपाल जेसीजका राष्ट्रिय उपाध्यक्ष घनश्याम चौधरी लगायतले शुभकामना मन्तव्य राखेका थिए । वीरता जेसीजका अध्यक्ष विकास बस्नेतको अध्यक्षतामा भएको कार्यक्रमको सञ्चालन महासचिव सुमन पोद्धारले गरेका थिए ।
