उर्लाबारी,
मोरङको उर्लाबारीमा नातिनीलाई बलात्कार प्रयास गरेको आरोपमा प्रहरीले आफ्नै हजुरबुवालाई पक्राउ गरेको छ ।
एक स्थानीय सामुदायिक विद्यालयमा कक्षा १० मा अध्ययनरत १६ वर्षीया किशोरीलाई हजुरबुवाले बलात्कारको प्रयास गरेका थिए ।
प्रहरीले ७० वर्षका हजुरबुवालाई पक्राउ गरेर अनुसन्धान सुरु गरेको छ । बलात्कारको प्रयास भएपछि छात्राले विद्यालयका आफ्ना शिक्षकलाई घटना बारेमा जानकारी गराएकी थिइन् ।
शिक्षकको ठाडो उजुरीमा हजुरबुवालाई बुधबार साँझ घरैबाट प्रहरीले नियन्त्रणमा लिएको हो ।
