कांकरभिट्टा ।
झापाको मेचीनगरमा भएको सवारी र्दुघटनामा एक जनाको मृत्यु भएको छ ।
मेचीनगर नगरपालिका– ७ टोकला चिया बगानस्थित पूर्वपश्चिम राजमार्गमा काँकरभिट्टाबाट इटाभट्टातर्फ जाँदै गरेको बा ६० प २५३७ नम्बरको मोटरसाइकलले ब्याक गर्दै गरेको बीएए–८६८७ नम्बरको कारलाई पछाडिबाट ठक्कर दिएको थियो ।
दुर्घटनामा मोटरसाइकल चालक मेचीनगर ७ का २५ वर्षीय राजमान बिक घाइते भएका थिए । उनलाई बीएण्डसी अस्पताल बिर्तामोडमा लगेर उपचार भइरहेकोमा उपचारको क्रममा मृत्यु भएको जिल्ला प्रहरी कार्यालय झापाले जनाएको छ ।
मोटरसाइकल, कार र कार चालक रामेछाप खाँडादेवी गाउँपालिका–४ का ३४ वर्षीय दिनेश कँडेल इलाका प्रहरी कार्यालय काँकरभिट्टाको नियन्त्रणमा रहेको प्रहरीले जनाएको छ ।
