झापा।
मोटरसाइकल आफैँ अनियन्त्रित भई दुर्घटना हुँदा घाइते भएका झापा हल्दिबारीका एक युवाको मृत्यु भएको छ ।
गत कार्तिक १८ गते झापाको भद्रपुर–१० त्रिवेणी टोलस्थित धनुषमोडबाट केन्द्रमोडतर्फ जाँदैं गरेको मे ६ प ३०७७ नम्बरको मोटरसाईकल आफै अनियन्त्रित भएर दुर्घटना भएको थियो । उक्त दुर्घटनामा घाइते भएका हल्दिबारी–२ का २२ वर्षीय सुमन मर्डी घाइते भएका थिए ।
उनको तत्काल प्रदेशिक अस्पताल भद्रपुर लगि उपचार भइरहेकोमा घाइतेको अवस्था गम्भिर हुँदै गएकाले सोही दिन बीएण्डसी अस्पताल बिर्तामोड लगिएको थियो । त्यहाँ उपचार भइरहेका उनलाई थप उपचारका लागि कात्तिक २३ गते आफन्तले आफुखुसी भारततर्फ लगेको र उपचार सम्भव नभएको भन्दै घरमा ल्याई राखेको प्रहरीले जनाएको छ ।
उनलाई थप उपचारका लागि कार्तिक २५ गते न्युरो अस्पताल बिराटनगर मोरङ लगि सामान्य उपचार पश्चात पुनः घरैमा ल्याई राखेको अवस्थामा मृत्यु भएको बताइएको छ । उटनाका सम्बन्धमा थप अनुसन्धान भइरहेको जिल्ला प्रहरी कार्यालय झापाले जनाएको छ ।
