झापा । मारवाडी युवा मञ्च बिर्तामोडको आयोजनामा बिर्तामोडमा रक्तदान कार्यक्रमको आयोजना गरिएको छ ।
नेपाल रेडक्रस सोसाइटी उपशाखा बिर्तामोडको प्राविधिक सहयोगमा भएको रक्तदान कार्यक्रममा ३५ जना पुरुष र तीन जना महिलाले रक्तदान गरेको कार्यक्रम संयोजक रवि शर्माले जानकारी दिए।
नेपाल राष्ट्रिय मारवाडी युवा संगठनद्वारा देशव्यापी रूपमा १४औँ युवा दिवसको अवसरमा बृहत् रक्तदान कार्यक्रमको आयोजना गरिएको थियो । सोही अनुरुप बिर्तामोडमा रक्तदान कार्यक्रम गरिएको बताइएको छ । मारवाडी युवा मञ्च बिर्तामोडका अध्यक्ष ऋषभ मित्तलको अध्यक्षतामा कार्यक्रमको आयोजना गरिएको थियो ।
कार्यक्रममा नेपाल राष्ट्रिय मारवाडी युवा संगठनका क्षेत्र ’क’ सभापति दीपक मित्तल, केन्द्रीय कोषाध्यक्ष यज्ञराज अग्रवाल, केन्द्रीय सदस्य सुमित साहेवाला, मारवाडी युवा मञ्च बिर्तामोडका पदाधिकारी तथा कार्यसमिति सदस्यहरूको उपस्थिति रहेको थियो । बिर्तामोड सहित २३ वटा मञ्चले रक्तदान कार्यक्रम गरेका हुन् ।यस क्रममा धुलावारीमा ५७ , उर्लाबारीमा ४०, दमकमा २६ , भद्रपुर १० पाउण्ड रगत संकलन भएको बताइएको छ । 
