चारआली।
मेचीनगरस्तरीय अन्तर मावि हाजिरीजवाफ प्रतियोगितामा शहीद दशरथ चन्द मावि चारआली प्रथम भएको छ ।
त्यस्तै सरस्वती बालकल्याण मावि दोस्रो र युनिक अंग्रेजी मावि तेस्रो भएको छ ।
मेचीनगर शिक्षा शाखाको आयोजनामा चारआलीमा सम्पन्न प्रतियोगिताका प्रथम, दोस्रो र तेस्रो हुने विद्यालयहरुलाई क्रमशः पाँच हजार, तीन हजार र दुई हजार रुपैयाँसहित प्रमाणपत्र समेत प्रदान गरिएको थियो ।
१३ विद्यालय सहभागी प्रतियोगितामा प्रथम हुनेले जिल्लास्तरीय कार्यक्रममा सहभागी हुन पाउने छन् ।
