झापा।
झापाको बिर्ताामोडमा एक पुरुषको शव फेला परेको छ ।
झापा बिर्तामोडको बसपार्क पूर्वपट्टि दुर्गन्धित अवस्थामा फेला परेको शवको साथमा पाँचथर रानीटार–२ का टेकबहादुर गुरुङका छोरा ३८ वर्षीय कुमार गुरुङ रहेको नागरिकता समेत फेला परेको प्रहरीले जनाएको छ ।
बिर्तामोड बसपार्क पूर्व अर्जुनधारा–११ स्थित गिरीबन्धु टी इस्टेटको चिया बगानभित्र कुहिन लागेको शव फेला परेको प्रहरीले जनाएको छ । करिव एक साताअघि उनको मृत्यु भएको हुनसक्ने आशंका गरिएको छ ।
उनको शव सड्न थालेको अवस्थामा फेला परेको इलाका प्रहरी कार्यालय अनारमनीका प्रहरी नायव उपरीक्षक प्रकााश विष्ट जानकारी दिए । उनले भने– ‘शवको प्रकृति हेर्दा हत्या जस्तो देखिन्न आत्महत्या हो, वा के हो भन्ने विषयमा अनुसन्धान शुरु गरेका छौं ।’
उनको विषयमा परिवारसंग बुझने काम भएको र उनी विगत ७–८ वर्ष अघि भने सवारी चालकको काम गरेपनि हाल उनी पाँचथर तिर नै गएर बसेको अवस्थामा केही समयअघिदेखि चिया बगान क्षेत्रमा देखा पर्ने गरेको स्थानीयले प्रहरीलाई जानकारी दिएका छन् ।
घटनाका सम्बन्धमा थप अनुसन्धान भइरहेको डीएसपी विष्टले जानकारी दिए ।
