इलाम, इलाममा कन्सर्ट हेर्न गएका एक जना युवा मृत फेला परेका छन् ।
इलामको करफोकमा शुक्रवार साँझ आयोजित कन्सर्ट हेर्न घरबाट हिडेका इलाम नगरपालिकाका एक युवक मृत फेला परेका हुन । जिल्ला प्रहरी कार्यालय इलामका अनुसार इलाम नगरपालिका १० जौबारी बस्ने २३ वर्षीय अभिषेक भण्डारी घरबाट कन्सर्ट हेर्न हिडेका थिए ।
आज बिहान २;३० बजे घरनजिकैको मेची राजमार्गमा सडकको साईडमा मादक पदार्थ सेवन गरी सुतिरहेको अवस्थामा स्थानीयले देखेर उपचारको लागि बिर्तासिटी अस्पताल बिर्तामोड ल्याइपुर्याउँदा डाक्टरले मृत घोषणा गरेका थिए । मृतकको शव सोही अस्पतालमा रहेको इलाम प्रहरीले जनाएको छ ।