बिर्तामोड । हुन्डाई गाडीको आधिकारिक वितरक लक्ष्मी इन्टरकन्टिनेन्टल प्रालिले झापाको बिर्तामोडमा क्रेटा ईभी र क्रेटा आइस मेड इन नेपाल सार्वजनिक गरेको छ ।
गत चैत ११ गते नेपालका लागि सार्वजनिक भएका यी दुई ईभी गाडीहरु बिर्तामोडमा आयोजित हुन्डाई मिट एण्ड ग्रिट कार्यक्रम मार्फत सार्वजनिक गरिएको हो । लक्ष्मी इन्टरकन्टिनेन्टलका डिलर सेल्स प्रमुख विनय प्रकाश श्रेष्ठ, जिएम दिपक थपलिया र बिर्तामोडस्थित हुन्डाईको आधिकारिक विक्रेता एलायन्स मोटर्सका अध्यक्ष दिनेश पाठक, अपार इन्भेसमेन्ट प्रालीका अध्यक्ष मनोज उप्रेती, बोर्ड अफ डाइरेक्टर ओम विमलीले संयुक्तरुपमा क्रेटा ईभी र क्रेटा आइस सार्वजनिक गर्नुभएको थियो । कम्पनीका अनुसार क्रेटा ईभीको प्रारम्भिक मूल्य रु। ५१,९६,००० र क्रेटा आईसको प्रारम्भिक मूल्य रु। ५३,९६,००० राखिएको छ ।
सो अवसरमा लक्ष्मी इन्टरकन्टिनेन्टलका डिलर सेल्स प्रमुख विनय प्रकाश श्रेष्ठले हुन्डाईका बारेमा सम्पूर्ण जानकारीहरु दिनुभएको थियो । नयाँ क्रेटा ईभीको लन्चसँगै, हुन्डाई नेपालले विद्युतीय सवारी साधनहरूमा स्विच गर्ने बारे अनिश्चित ग्राहकहरूलाई मद्दत गर्न ठूलो कदम चालिरहेको बताउनुभयो । कार्यक्रममा एलायन्स मोटर्सको मातृसंस्था अपार इन्भेसमेन्ट प्रालीका अध्यक्ष मनोज उप्रेतीले भरपर्दो र गुणस्तरीय गाडी र देशभर फैलिएको राम्रो नेटवर्कका कारण हुन्डाई नेपाल ग्राहकहरू बिच अत्यन्त लोकप्रिय ब्रान्ड बन्न सफल भएको र आग्रहको सन्तुष्टिका लागि कम्पनीको तर्फबाट सेवा दिन तत्पर रहेको बताउनुभयो । हुन्डाईले नेपालमा सन् २०१५ बाट क्रेटाको बिक्री सुरुवात गरेको थियो ।
