बिर्तामोड । 
चिया श्रमिक नेता दिपक तामाङ राष्ट्रिय चिया तथा कफि विकास बोर्डको कार्यकारी सदस्यमा मनोनित भएका छन् ।
संघीय सरकारको कृषि मन्त्रालय अन्तर्गत रहेको बोर्डमा तामाङलाई कृषि मन्त्री रामनाथ अधिकारीले नियुक्त गरेका हुन् ।
नेपाल चिया बगान श्रमिक संघको केन्द्रीय अध्यक्ष तथा नेपाली कांग्रेसका महासमिति सदस्य रहेका तामाङ चिया श्रमिकको हकअधिकारमा लामो समयदेखि वकालत गर्दै आएका छन् ।
बोर्डमा मनोनित भएकोमा खुशी व्यक्त गर्दै उनले चिया श्रमिक, किसान र उत्पादकका साझा समस्यालाई समाधान गर्न आफ्नो तर्फबाट पहल गर्ने बताएका छन् । उनी झापा अर्जुनधाराका बासिन्दा हुन् ।
मन्त्री स्तरीय निर्णयबाट तामाङसँगै इलामका चिया उद्योगी उदय चापागाई पनि बोर्डको कार्यकारी सदस्यमा मनोनित भएको बताइएको छ ।
