झापा ।
कचनकवलमा कमेरो माटो निकाल्न खनेको खाल्डोमा डुबेर एक महिलाको मृत्यु भएको छ ।
कचनकवल गाउँपालिका-२ रतिबारी बस्ने उखारू राजवंशीकी श्रीमती ४६ वर्षीया उजारी राजवंशी आफ्नो घरदेखि अन्दाजी १५० मिटर पश्चिम झारूँ राजवंशीको खेतमा कमेरो माटो लिन गएकी थिइन् ।
माटोको लागि खनेको गहिरो खाडलमा जमेको पानीमा डुबेर उनको मृत्यु भएको हो । स्थानीयले मृत अवस्थामा देखेर प्रहरीलाई जानकारी गराउनासाथ जिल्ला प्रहरी कार्यालयबाट टोली खटिएर पोस्टमार्टमको लागि शव प्रादेशिक अस्पताल भद्रपुर पठाएको डीएसपी खगेन्द्र खड्काले बताए ।
मृतक उजारी छारे रोगबाट पीडित भएको स्थानीयवासीले बताएका छन् ।
