मैले दशै नमानेर के भयो त ।
कैयौं लाई दशै मान्ने अवसर दिएको छु ।।
मैले पुजा नगरेर के भयो त ।
कैयौं मन्दिरमा पुजाको लाइन मिलाएको छु ।।
मैले पित्री श्राद्द नगरेर के भयो त ।
कैयौंपटक तिर्थ धाममा डिउटी मिलाएको छु ।।
मैले आमालाई फरिया नकिनिदिएर के भयो त ।
कयौंपटक गरिव दुखिलाइ न्यानो लुगा बाढेको छु ।।
मैले पिताजीको अन्तिम सासमा साथ नदिएर के भो त ।
कैयौं घटना बाट उद्दार गरी नागरिक लाई ज्यान बचाएको छु ।।
मैले गाडी किन्न नसकेर के भयो त ।
धेरै महङ्गा गाडी धनीलाई ब्यावस्थापन को नियम सिकाएको छु ।।
मलाई ढुङाले हानेर खोलामा लखेट्दा के भयो त ।
त्यही खोलाले नागरिक बगाउँदा उद्दार गर्न आएको छु ।।
मेरो बासस्थान जलाउदा के भयो त ।
अरुको जल्दैगर्दा दमकल साथ आएको छु ।।
शिव शर्मा धिमाल
प्रहरी नायब निरीक्षक
जिल्ला प्रहरी कार्यालय, सुनसरी
