- सदस्यको सामाजिक सुरक्षा तथा स्वास्थ्य सुविधामा २६ करोड १७ लाख खर्च
बिर्तामोड, झापाको बिर्तामोड–२ मा मुख्य कार्यालय रहेको सहारा नेपाल बचत तथा ऋण सहकारी संस्था लि.ले ३२ करोड पाँच लाख रुपैयाँ सञ्चालन मुनाफा गर्न सफल भएको छ ।
२०८१ साउन १ गते ०८२ असार मसान्तसम्मको अवधिमा संस्थाले उक्त मुनाफा आर्जन गरेको छ । अहिलेको राजनीतिक अस्थिरता, सामाजिक मनोबलमा गिरावट र सहकारी प्रतिको धारणा नकारात्मक भइरहेको अवस्थामा पनि सहाराले उक्त मुनाफा कमाउन सफल भएको जनाइएको छ ।
संस्थाले चालू आर्थिक वर्षमा ४२ करोड नाफा गर्ने प्रक्षेपण गरेको अध्यक्ष हरिबहादुर राजवंशीले जनाएका छन् । संस्थाको २९औं वार्षिक साधारण सभा अन्तर्गत मंगलबार शुरु भएको इकाइ साधारण सभाहरुको सन्दर्भमा अध्यक्ष राजवंशीले संस्थाको तर्फबाट प्रेस विज्ञप्ति जारी गर्दै प्रगति विवरण सार्वजनिक गरेका छन् ।
संस्थामा हाल शेयर पुँजी एक अर्ब ६९ करोड ७५ लाख रुपैयाँ रहेको छ । जगेडा कोष एक अर्ब ३२ करोड ६८ लाख रहेको छ । त्यस्तै बचत १४ अर्ब १५ करोड ७६ लाख रहेको छ भने लगानीमा रहेको ऋण ११ अर्ब ४७ करोड २७ लाख रुपैयाँ रहेको जनाइएको छ । ०८२ असार मसान्तसम्मको संस्थाको वासलास १८ अर्ब ५६ करोड ५८ लाख रहेको छ ।
संस्थामा हाल एक लाख ९२ हजार दुई सय ४० जना शेयर सदस्य रहेका छन् । कोशी प्रदेशका छ जिल्लामा ८० वटा सेवाकेन्द्र मार्फत सेवा प्रदान गरिरहेको सहारा नेपाल साकोसको वित्तीय अवस्था अत्यन्त मजबुत रहेको संस्थाका प्रमुख कार्यकारी अधिकृत महेन्द्रकुमार गिरीले बताएका छन् । गिरीले भने– ‘सहकारी प्रतिको नकारात्मक धारणाका बीच पनि सहाराले हासिल गरेको सफलताले मुलुकको सहकारी अभियानको विरासत जोगाउनमा टेवा पुगेको छ ।’
प्रमुख कार्यकारी अधिकृत गिरीका अनुसार संस्थाले जोखिम न्यूनीकरण गर्ने उद्देश्यका साथ प्रतिव्यक्ति बचत रु. तीन लाखभन्दा कम करिब ९८ प्रतिशत र २५ लाखसम्मको ऋण पनि करिब ९५ प्रतिशत रहेको छ ।
संस्थाले आफ्नो वित्तीय अवस्थालाई मजबुत बनाउने सोच अनुरुप ०८५ सम्ममा २५ अर्बको वासलास बनाउने लक्ष्य समेत तय गरेको छ । संस्थाले ०८३ असार मसान्तभित्रमा दुई लाख २५ हजार शेयर सदस्य पु¥याउने २० अर्बको वासलात बनाउने र ४२ करोड नाफा गर्ने प्रक्षेपण गरेको छ । संस्थाले आर्थिक वर्ष ०८१÷०८२ मा विभिन्न शिर्षकमा ११ करोड ३६ लाख ५५ हजार दुई ८७ रुपैयाँ कर तिरेर देश विकासमा भूमिका खेलेको जनाइएको छ । त्यस्तै संस्थाका सदस्यहरुको सामाजिक सुरक्षा तथा स्वास्थ्य सुविधा कार्यक्रममा संस्थाले २६ करोड १७ लाख ६३ हजार एक सय ६८ रुपैयाँ खर्च गरेको छ । आठ हजार छ सय ८५ जना सदस्यलाई उक्त सुविधा प्रदान गरिएको जनाइएको छ ।
संस्थाले २९औंक वार्षिक साधारणसभाको अन्तिम माइनुट प्रमाणित भेला पुस २१ गते सोमबार गर्ने जनाएको छ । प्रदेश सहकारी रजिष्टूारकोे कार्यालय इनरुवाको निर्देशन बमोजिम ७ वटा एकाई अन्तरगत ८६ स्थानमा उप(एकाई भेला पौस १ गते देखि १२ गते सम्म सम्पन्न गर्दै प्रतिनिधिमुलक ढंगबाट सदस्यहरुलाई अन्तिम माइनटप्रमाणिकरण सभामा सहभागिता गराईने जनाइएको छ ।
सहाराको संचालक समिति र लेखा सुपरिबेक्षण समितिको आगामी ४ बर्षे कार्यकालको लागि यसै साधारण सभाले २०८३ जेष्ठ १४ गते देखि निर्वाचन प्रकृया शुरुवात गर्ने निर्णय गर्ने बताइएको छ ।
संस्थाले आर्थिक वर्ष ०८२÷०८३ का लागि ३१ वटा महत्वपूर्ण कार्यक्रम प्रस्ताव गरेको जनाइएको छ ।
मुख्य कार्यक्रमहरु यस्ता छन् :
– संस्थाले सदस्यहरुलाई उद्यमशिलता बिकास गरि रोजगारी श्रृजना गराउन एग्री बिजनेस यूनिट स्थापना गरि सेवा प्रदान गरिरहेकोछ ।
– संस्थाले यस बर्ष देखि वातवरणमैत्री तथा शुन्य कार्वन उत्सर्जनन लागि महत्वपूर्ण कार्यहरु गर्नेछ ।
– शेयर सदस्यहरुको घरमा मरिमराउमा समबेदना लैजादा अब देखि फोटोफ्रेमको सट्टा पहाडे कागजमा समवेदना बनाई लगिनेछ । साथै मृतकको नाममा एउटा बिरुवा उपलब्ध गराईने वा सामुहिक बृक्षारोपण गरिनेछ ।
– यो संस्थाको लोकप्रिय स्वास्थय कार्यक्रमलाई बिपन्न बर्गसम्म पुर्याउन बिशेष स्वास्थ्य कार्यक्रम लागु गरिनेछ ।
– यो संस्थामा यूवा सदस्यहरुलाई आवद्धता गराउदै यूवा उद्यमसँग जोडदैक्त्ब्च्त् ग्एकोष मार्फत सहुलियत कर्जा उपलब्ध गराईनेछ । साथै युवा सदस्यहरुलाई लोकसेवा परिक्षा तयारी कक्षा समेत संचालन गर्ने ।
– यस संस्थाले सदस्यहरुलाई क्रमश : प्रविधि मैत्री बनाउदै लैजाने सोच राखेको छ । जस अन्तरगत सहारा स्मार्ट एप्स, क्यूआर, एटिम, एस.एम.एस, उपलब्ध गराउदै आइरहेकोमा यस बर्ष देखि कृति बुद्धिमता (ब्क्ष्) प्रबिधिको समेत प्रयोग गरि सेवा प्रदान गर्ने सोच राखेकोछ ।
– यो बर्ष भौतिक पूर्वाधार अन्तरगत बिर्तामोड २ चारपानेमा रहेको जग्गाामा शैक्षिक तालिम केन्द्र र शिब(शताक्षी दोमुखामा रहेको जग्गामा कृषि स्रोतकेन्द्र निर्माण थालनी गर्ने ।
– यो संस्थाले ०८२/०८३ आषाढ मसान्त भित्रमा २ लाख २५ हजार सदस्य र २० अर्बको वासलात बनाउदै ४२ करोड नाफा गर्ने प्रक्षेपण गरिएको छ ।
