बाहुनडाँगी।
वीरता जेसीजको आयोजानमा बिर्तामोडमा उद्यमी व्यवसायी महिला समूहमा आबद्ध महिलाहरुलाई उद्घोषण सम्बन्धी तालिम प्रदान गरिएको छ ।
अतिथि सदनमा भएको तालिममा ७० जनाभन्दा बढी उद्यमी व्यवसायी महिलाहरुको सहभागिता रहेको थियो । तालिममा सहभागीलाई वीरता लेडी जेसीजकी तालिम संयोजक तथा सञ्चारकर्मी स्वस्तिका आचार्यले तालिम प्रदान गरेकी थिइन् ।
एक दिवसीय तालिममा वीरता जेसीज वर्ष २०१९ का अध्यक्ष विशाल थापाको अध्यक्षता तथा बिर्तामोड नगरपालिकाकी उपप्रमुख पवित्रा महतारा प्रसाईंको प्रमुख आतिथ्यमा सम्पन्न कार्यक्रम भएको थियो । कार्यक्रममा वीनरस क्लव अफ बिर्तामोड मिट टाउनकी अध्यक्ष भूमिका पोखरेल, नेपाल उद्यमशील महिला संघ झापाकी अध्यक्ष पार्वता विमली, उद्यमी व्यवसायी महिला समूहकी अध्यक्ष यशोदा भट्टराई र वीरता जेसीजका पूर्व अध्यक्ष राजेन्द्र चौलागाई लगायतले शुभकामना दिएका थिए ।
आस्था वाचन ऐश्वर्या पाण्डेले गगरेकी थिइन् । कार्यक्रमको संयोजकत्व अमरजीत शाहले गरेको कार्यक्रमको सञ्चालन महासचिव कुशल खतिवडाले गरेका थिए ।
