बिर्तामोड।
सम्पन्न बचत तथा ऋण सहकारी संस्था बिर्तामोडको आयोजना तथा अक्सफोर्ड एकाडेमिक ट्रेनिङ सेन्टर बिर्तामोडको संयोजनमा बजारप्रतिनिधी तथा कर्मचारीहरुलाई क्षमता अविवृद्धी तालिम प्रदान गरिएको छ ।
सहकारीमा आवद्ध बजार प्रतिनिधि तथा कर्मचारीहरुको काम कर्तव्य र दायित्व सम्बन्धी क्षमता अभिवृद्धी गर्न तालिम प्रदान गरिएको संस्थाका अध्यक्ष सन्तोष सुब्बााले बताए ।
तालिमको सहजीकरण प्रशिक्षक हरिप्रसाद सुवेदीले गरेका थिए । सहकारी संस्थामा काम गर्ने बजार प्रतिनिधिहरुलाई बचत तथा शेयर सदस्यता बृद्धि, बचत बृद्धि, असल ऋणिको खोजी लगायतका बिषयमा तालिम प्रदान गरिएको प्रशिक्षक सुवेदीले बताए । तालिममा सहकारीका ३० जनाको सहभागिता रहेको थियो । तालिममा सहभागीहरुले तालिम फलदायी रहेको बताउँदै तालिममा सिकेको शिक्षाले कार्यक्षेत्रमा गएर आत्मविश्वासले काम गर्ने बताए ।
सम्पन्न बचत तथा ऋण सहकारी संस्थाका अध्यक्ष सन्तोष सुब्बाको अध्यक्षतामा भएको कार्यक्रममा पूर्व अध्यक्ष राधेश्याम अधिकारी, उपाध्यक्ष मञ्जु गोम्देन, गणेश काफ्ले, लेखामाया गौतम, कमल न्यौपानेले शुभकामना दिएका थिए ।
कार्यक्रमको सहजीकरण अक्सफोर्ड एकाडेमिक ट्रेनिङ सेन्टर बिर्तामोडका बैंकिङ्ग ट्रेनिङ को–अर्डिनेटर सुवर्ण कुँवरले गरेका थिए ।
