असल छोरा कसरी भएँ ?

मामूलाई सुबिधाका मशीन किनिदिएर
जिम्मेवारीबाट पन्छिने मान्छे म
असल छोरा कसरी भएँ?

बुहारी बिहे गरेर सँगै लिएर हिड्ने
तर काम गर्ने मान्छे बेवस्था गरीदिने मान्छे म
असल छोरा कसरी भएँ?

खेत जोत्न ट्रेक्टरको पैसा तिरीदिने
तर सँगै लागेर नखन्ने मान्छे म
असल छोरा कसरी भएँ ?

दशैमा पहुना पाल्ने खर्च दिने तर
घरै बसेर उनीहरुको गाली नखाईदिने मान्छे म
असल छोरा कसरी भएँ ?

काधमा बोकेर अस्पताल नलगेर
एम्बुलेन्स बोलाई दिने मान्छे म
असल छोरा कसरी भएँ ?

तीर्थबर्त गर्नलाई भारमा बोक्न नसक्ने
अनी बस रिज़र्व गर्दीने मान्छे म
असल छोरा कसरी भएँ ?

असलको परिभासा नाजानेको मान्छे म
असल छोरा कसरी भएँ ।

अर्पण के शर्मा
बिर्तामोड, झापा ।