झापा 
इलामको माइ नगरपालिका–५ का एक ब्यक्तिको हराएको रकम प्रहरीले फेला परेर सम्बन्धित धनीलाई हस्तान्तरण गरेको छ ।
माई नगरपालिका–५ का ५० वर्षीय अनुप बहादुर वस्नेतले मंगलबार विर्तामोड नगरपालिका–५ सुगम पेट्रोलपम्प देखि पश्चिम बस स्टेसनसम्म पुगेर ओर्लदा नम्वर नखुलेको सिटी सफारीमा नगद रु १ लाख र महत्वपूर्ण कागजपत्र रहेको कालो व्याग छुटेको भन्ने जानकारी आएसंगै प्रहरीलेखोजी कार्य तिब्र बताएको थियो ।
प्रहरीले जानकारी पाए लगत्तै सिसि क्यामरा फुटेजको मध्यमबाट मे १ह ६४७७ नम्बरको सिटी सफारीमा बस्नेतले झोला छाडेको देखिएको थियो । उक्त टेम्पोलाई प्रहरीले निगरानी गरी बस्नेतको नगदसहितको झोला फेला पारेर बुधबार हस्तान्तरण गरेको इलाका प्रहरी कार्यालय बिर्तामोडमा प्रहरी नायब उपरीक्षक मोहनकुमार थापाले जानकारी दिए ।
सिसि क्यामेराको माध्यमबाट हराएको नगदसहितको झोला फेला पार्न सहज भएको प्रहरीको भनाई छ । आफ्नो झोलासहितको नगद फेला पारेर हस्तान्तरण गरिदिएको भन्दै बस्नेतले प्रहरीलाई धन्यवाद दिएका छन् ।
