विमल दहाल,
माई इलाम,
माई नगरपालिकाको सत्रौ कार्यपालिका बैठकले कोरोना भाईरस संक्रमण रोकथामका लागि आफुले पाउदै आएको पन्ध्र दिनको सेवा सुविधा बिपत ब्यबस्थापन राहात कोषमा जम्मा गर्ने निर्णय गरेका छन ।
बिहिबार सम्पन्न कार्यपालिकाको बैठकबाट माईका सबै जनप्रतिनिधिहरुको राहात कोषमा पन्ध्र दिनको सेवा सुविधा जम्मा गर्ने निर्णय भएको उपमेयर बिष्णुमाया आचार्यले बताँउनुभयो । हाल बिपत राहत कोषमा तीस लाख रहेको र पहिलो चरणमा बिपन्नलाई खाध्य प्याकेजका लागि दश लाख रुपैंयाको बिन्योजन गरिएको हो । राहात प्याकेज प्रदान गर्न वडा–वडामा लगत संकलन र सामाग्री ब्यबस्थापनको कार्य हुदै गरेको आचार्यले जानकारी दिनुभयो ।
नेपाल सरकार अर्थ मन्त्रालय अन्र्तगत राहात सम्बन्धि मापदण्ड २०७६ को अधिनमा रही नगर भित्रका संघ–संस्था तथा दातृ समुदायहरुलाई माई नगरपालिका बिपत ब्यबस्थापन कोषमा राहातको लागि अनुरोध गरिएको छ । अति बिपन्न परिबारलाई राहात प्याकेज बितरणको तयारी गरिएको माईका मेयर दिपक कुमार थेबेले बताँउनुभयो ।
यसै बिच इच्छुक दाताहरुले रकम तथा सामाग्री सहयोग गर्न सक्ने बताँउदै सहयोगीहरुलाई एकद्धार प्रणालीबाट सहयोग प्रदान गर्न अनुरोध गरिएको छ । सहयोगीहरुले नगरको बिपत ब्यबस्थापन राहात कोषमा रकम जम्मा गर्न तथा नगरपालिका संग समन्वय गरेर सहयोग प्रदान गर्न सकिने बताईएको छ । ब्याक्ति तथा संस्थालाई राहात प्रदान गर्न अनियन्त्रित छोडियो भने राहातमा सबै बिपन्न र असक्ष नागरिकको पहुच भन्दा बाहिर जाने भन्दै समान राहात बितरणका लागि एकद्धार प्रणाली अपनाउनुपर्ने अबस्था आएको मेयर थेबेले बताँएका छन ।
माईको क्वारेन्टाईनमा सुबिधा
माई नगरपालिकाकोे क्वारेन्टाईनमा बस्नेहरुका लागी नगरले बिभिन्न सुबिधा दिएको छ ।
कोरोना भाईरस संक्रमणको आशंका लागेका बिरामीहरुका लागि दश क्षमताको क्वारेन्टाईनमा बस्नेहरुका लागि निशुल्क वाईफाई, मोवाएल रिचार्ज कार्य, खाना नास्ता सहितको सुबिधा दिईएको माई नगरपालिका स्वास्थ्य संयोजक पुष्कर कट्टेलले जानकारी दिनुभयो । े क्वारेन्टाईनमा ल्याउन तथा निश्चित अबधि सम्म बस्नेहरुका लागि घर सम्म आउने र पुर्याउने समेत नगरपालिकाले प्रबन्ध गरेको संयोजक कट्टेलको बताँउनुभयो । हाल माई नगरपालिकाको गरुवा बहुमुखि क्याम्पसको क्वारेन्टाईनमा चार जना छन भने सात जना घर गईसकेका छन ।
