बिर्तामोड ।
झापाको शिवसताक्षी नगरपालिका वडा नम्बर ६ ले ७ जना दलित समुदायका मानिसलाई लुगा सिलाउने मेसिन वितरण गरेको छ ।
बिहीबार वडा कार्यलयले वडा भित्र रहेका सिलाई कटाई जानेका दलित समुदायका मानिसलाई व्यवसायीकरण तर्फ अघि बढाउने उद्धेश्यले लुगा सिलाउने मेसिन बितरण गरेको हो ।
वडाले प्रति मेसिन १२ हजार पाँच सय रुपैँया गरी ८७ हजार पाँच सय रुपैंया बरावरको लुगा सिलाउने मेसिन बितरण गरेको हो । वडामा सीप सिकेका मानिसहरु रहेपनि उद्यमसँग जाड्न नसकिरहेका बेला मेसिन बितरण कार्यक्रमले टेवा पुग्ने वडा अध्यक्ष मनोज कार्कीले बताउनुभयो ।
लुगा सिलाउने मेसिन लिँदै बिर्खबहादुर महराले उत्साह व्यक्त गर्दै वडाले बितरण गरेको मेसिनले रोजगारीको सिर्जना गरेको र आफुहरुले समेत यसलाई उद्यम सँग जोड्ने बताउनुभयो । लुगा सिलाउने मेसिन बितरण कार्यक्रममा वडा सदस्य बद्रीनाथ खनाल, लक्ष्मी प्रसाद गुरागाई, नरमाया परीयार लगायतको उपस्थिती रहेको थियो ।
