सोनाक्षीले गरिन् तापसीको खुलेर तारिफ, भनिन् – ‘राष्ट्रपति बनेको देख्न चाहान्छु’

१४ श्रावण २०७७, बुधबार मा प्रकाशित

एजेन्सी,

बलिउडमा पछिल्लो समय कलाकारहरुबीच विवाद भइरहेको छ । अभिनेता सुशान्त सिंह राजपूतको निधनपछि बलिउडमा नेपोटिज्मको बिषयमा कुरा चल्दा कलाकारहरु विवादमा आइरहेका हुन् । कलाकारहरु नेपोटिज्मको विषयमा बोल्दा विवादमा आएका हुन् ।

पछिल्लो समय तापसी पन्नू र कंगना रनावतबीचको विवादले पनि बलिउड चर्किएको छ । कंगनाले तापसीलाई ‘बी-ग्रेड’ अभिनेत्री भनेपछि यी दुईबीच विवाद बडेको हो । कंगनाले त्यो भनेपछि तापसीले पनि जवाफ दिएकी छिन् ।

उनले कसैको मृत्युलाई आफ्नो नीजि फाइदाको रुपमा लिन नहुने बताइन् । सामाजिक सञ्जालमा कुनैले कंगनाको त कुनैले तापसीको समर्थन गरिरहेका छन् । यसैबीच अभिनेत्री सोनाक्षी सिन्हाले तापसीको खुलेर तारिफ दिदै आफ्नो प्रतिक्रिया दिएकी छिन् । सोनाक्षीले तापसीलाई सामाजिक सञ्जाल इन्स्टाग्राममा भनेकी छन्, ‘राष्ट्रपति पदका लागि तापसी ।’

नेपोटिज्मको विषयमा तापसीले भनेकी थिइन्, ‘नेपोटिज्मको विषयमा भइरहेको बहसलाई मानिसहरुले आफ्नो व्यक्तिगत फाइदाका लागि प्रयोग गरिरहेका छन् । म त्यो इन्डस्ट्रीको बारेमा नराम्रो भन्दिनँ, जसले मलाई खाना र पहिचान दिएको छ ।’-क्यानाडानेपाल

प्रतिकृया व्यक्त गर्नुहोस् ।

LEAVE A REPLY

Please enter your comment!
Please enter your name here