सुजना खतिवडा
फुलबारीको बगैंचामा तिमीलाई देखेंँ
तिमी बेगर हुन्न फेरि आफ्नै मनमा राखेँ
सपनीमा झुल्की – झुल्की आई गयौ तिमी ,
विपनीमा आँखा खोल्दा काँही छैनौं तिमी ,
कहिलेकाहीँ सपनीमा बोले जस्तो लाग्छ ,
घरीघरी ब्युँझी हेर्दा निराशा नै छाउँछ।।
फुलबारीको………
जता जान्छु त्यतै घेर्छ तिम्रो छाँयाले
अलपत्रैमा पर्नु पर्यो फुलको मायाले
तिम्रै रूप बोकेको छ सबै फुलले,
यो जिन्दगी आहत छ यस्तै भुलले।।
फुलबारीको…….
विर्तामोड –२ , झापा
