बशन्ता गौतम
गजल
घर टुक्राउने नारदलाई नआउ भन्न सक्नुपर्छ
गाउँले कुरा बटुलेर नधाऊ भन्न सक्नु पर्छ ।
बाहिरिया गीत सुनी पछि तिन्कै लाग्यौँ भने
दरार आँउछ सम्बन्धमा नगाऊ भन्न सक्नु पर्छ ।
माया अनि विस्वास नै मजबुत कडी जान्दाजान्दै,
आशंकाले लाउदा आगो नलाऊ भन्न सक्नु पर्छ ।
उतारचढाव जिन्दगीमा जस्को पनि हुन्छ र त ,
हिँडेका ती पाइला छेकी नजाऊ भन्न सक्नु पर्छ ।
सन्तुलित बन्न जीवन शंका जति पन्छाएर ,
साचो माया भए कसम नखाऊ भन्न सक्नु पर्छ ।
भैरहवा ८ रुपन्देही
[समकालीन साहित्य प्रतिष्ठान, बेलायतको फेसबुक पेजबाट साभार]
प्रतिकृया व्यक्त गर्नुहोस् ।
