बिर्तामोड, सहारा नेपाल साकोसका अनुगमन अधिकृत यादवकुमार बस्नेतको कोरोना भाइरसको सक्रमणबाट शनिवार मृत्यु भएको छ ।
कोरोना भाइरसको सक्रमण भएपछि एक सातादेखि उनी बिराटनगरस्थित बिराट मेडिकल कलेज एण्ड टिचिङ हस्पिटलमा उपचाररत् थिए । उनको उपचारका क्रममा शनिवार अपरान्ह ३ वजे मृत्यु भएको पारिवारिक श्रोतले जनाएको छ । उनको शनिवार नै कन्काई नदीमा नेपाली सेनाको टोलीले दाहसंस्कार गरेको थियो ।
झापा गौरादह–६ दामुनाका ३७ वर्षिय बस्नेत सहारा नेपाल साकोसको विराटनगर अनुगमन अधिकृत पदमा कार्यरत् थिए ।
सहारा नेपाल साकोसका कार्यकारी प्रमुख महेन्द्रकुमार गिरीले वस्नेतको निधनवाट सहारा नेपाल साकोसले एक निष्ठावान ,कर्तव्यनिष्ठ अधिकृत गुमाएको वताउँदै वस्नेतप्रति भावपूर्ण श्रद्धाञ्जलि अर्पण गरेका छन् ।
उनी नेपाल वार एसोसिएसन झापाका कोषाध्यक्ष , मानवअधिकारकर्मी , अधिवक्ता , नेपाल पत्रकार महासंघका प्रदेश पार्सद् अर्जुन बस्नेतका सरोदर भाई हुन् ।
