ल्हासा । सन् १९८७ मा दलाई लामा र तिब्बतको स्वतन्त्रताको समर्थनमा सडकमा उत्रिएका ल्हासाको ड्रेपुङ मठका २१ भिक्षुमध्येका नगावाङ ग्याल्टसेनको निधन भएको छ ।
सन् १९८७ मा नगावाङ ग्याल्टसेन ‘राष्ट्रिय सुरक्षा कमजोर’ पारेको आरोपमा दोषी ठहरि गर्दै २० वर्षको जेल सजाय तोकेको थियो। सन् २००६ मा उनी रिहा भएका थिए।’
‘अर्को राजनीतिक कैदीको निधनको खबर सुन्दा धेरै हृदयमा गम्भीर चोट लागेको छ। हामीले हाम्रो प्रार्थना गर्नुपर्छ र उनको मृत्युसँगै निर्वासनमा रहेका तिब्बती युवाहरूले तिब्बत भित्रका हाम्रा दाजुभाइ तथा दिदीबहिनीहरूको साहस, दृढता र आकांक्षालाई महसुस गर्नुपर्छ,’ सन् १९८७ को विद्रोहमा सहभागी अर्का भिक्षु नगावाङ वोबरले आरएफएको तिब्बती सेवालाई भने।
‘नगावाङ ग्याल्टसेनले आफ्नो सम्पूर्ण जीवन तिब्बतमा चीनको दमनकारी नीतिको विरुद्धमा बोल्न प्रतिबद्ध थिए। उनले सन् १९८७ को विद्रोह पछि [चिनियाँ कम्युनिष्ट पार्टी] शासनको निरन्तर विरोध गरे र आफ्नो जीवन तिब्बतमा समर्पण गरे।’
आफ्नो रिहाई पछि, उनी नागचु काउन्टी (चिनियाँ नाकुमा) मा रहेको शाग रोङ्पो गादेन डार्ग्यालिङ मठमा प्रवेश गरेका थिए। जहाँ उहाँलाई बाल्यकालमा भर्ना गरिएको थियो। उनी एक प्रसिद्ध कलाकार पनि थिए। उनले थांका चित्रकलाको अध्ययन गरेका थिए र अनुष्ठान नृत्यमा निपुण थिए।
त्यो मठमा, नगावाङ ग्याल्टसेनले त्यहाँ रहेका चिनियाँ सरकारी अधिकारीहरूले लगाएको पुन: शिक्षा अभियानको विरोध गरेका छन्। उनीहरूले भिक्षुहरूलाई दलाई लामा र अन्य महत्त्वपूर्ण तिब्बती बौद्ध व्यक्तित्वहरूको निन्दा गर्न लगाएका थिए।
चिनियाँ अधिकारीहरुको गलत कदमको विरोध गरेपछि उनलाई अधिकारीहरूले मठ छोड्न बाध्य पारे, र उनको आवागमनमा प्रतिबन्ध लगाइयो र उनलाई कसैलाई सम्पर्क नगर्न भनेका थिए। उनलाई फेब्रुअरीमा ‘राती अबेर’ प्रहरीले फेरि लगेको थियो।