पथरीशनिश्चरे,
मोरङको पथरीशनिश्चरे नगरस्थित वडा नं ४ को आधारभूत स्वास्थ्य सेवा केन्द्रबाट पनि महिलाहरुको स्वास्थ्य सम्बन्धी भीआइए परीक्षण सुरु भएको छ ।
आज सोमबार एक कार्यक्रमका बिच नगर उपप्रमुख देवीमाया काफ्लेले उद्घाटन गर्नुभएको हो। दैनिक सुचारु हुने यो सेवाअन्तर्गत पहिलो दिन ९ जनाको स्वास्थ्य परीक्षण गरिएको छ ।
उक्त अवसरमा १० नम्बर वडाध्यक्ष जीवन खतिवडा, कार्यपालिका सदस्य कल्पना श्रेष्ठ सहितका जनप्रतिनिधिहरुको उपस्थिति रहेको थियो ।
अहेव ममता माझीको अगुवाईमा आङ खस्ने, फिस्टुला, स्तन क्यान्सर, पाठेघरको क्यान्सर सहितको परीक्षण सुरु भएको नगरको स्वास्थ्य शाखाले जनाएको छ ।
