तिमीलाई तिम्रो जीवन बधाई छ
गहिराईमा पुगेर तिम्रो बारेमा सोच्नु
मेरो मुर्खयता थियो,
त्यसैले त, तिमीलाई तिम्रैपनको बधाई छ ।
भावना, चाहाना, अनि इच्छाको कदर कहाँ यहाँ ,
अध्यारोमा जुनकीरीको उज्यालोवाट बाटो
खोज्नु जस्तै भयो जीवन ।।
त्यसैले त तिमीलाई तिम्रैं भावनाको बधाई छ ।
तिमीले सम्झनु र मैले सम्झाउन बाध्य बनाउनु
फरक छ नि माया, सम्झाईमा भावना हुन्छ,
सम्झाउनुमा रिस ।।
त्यसैले त तिमीलाई तिम्रै यादहरुको बधाई छ ।
जीवन त्यस्तै सुन्दर थियो , तिम्रो आगमनले
सुन्दरता थपियो या बेदना, खोई प्रश्न
माथि प्रश्न भयो मन ।।
त्यसैले त तिमीलाई तिम्रै सम्मानको बधाई छ ।
लेखक : बाल्मीकि एकुजेशन फाउण्डेशनकी शिक्षक हुन् ।