बिर्तामोड ।
झापाको अर्जुनधारा –६ महानन्द चोक पश्चिम व्याडमिन्टन कोर्ट नजिकै एक महिला मृत फेला परेपछि प्रहरीले अनुसन्धानलाई तिब्रता दिएको छ ।
प्रदेश कार्यालयबाट खटिएको अनुसन्धान टोलीले कुकुरको प्रयोग गरेर अनुसन्धान थालेको हो । महिलाको हत्या भएको हुन सक्ने आशंकाले अनुसन्धान टोली खटिएको छ । प्रहरीका अनुसार कुकुर महानन्द चोकसम्म आएको छ । अब प्रहरीले सोही अनुसार अनुसन्धान थाल्ने छ । कुकुरले एउटा ट्राक दियो, अनुसन्धानमा खटिएका प्रहरी भन्छन्– अब प्राविधिक जाँच गर्छौं । स्रोतका अनुसार अनुसन्धानका लागि केही ब्यक्तिलाई सोधपोछ जारी रहेको छ ।
महिलाको टाउकोमा ढुङ्गाले हिर्काए जस्तो देखिएको छ । सोमबार विहान फेला परेको शव बिर्तामोड–५ बस्दै आएकी माया मगरको भएको खुलेको छ । ५० वर्षीय महिलाको टाउकोमा चोट देखिएको प्रहरीको भनाई छ ।
घटना रहस्यमय भएपछि प्रहरीको अनुसनधान टोली आएर अनुसन्धान गरिरहेको हो । घटनाई गम्भिर रुपमा लिएर अनुसन्धान भइरहेको प्रहरीले जनाएको छ ।