संखुवासभा ।
संखुवासभाको चैनपुर नगरपालिका–११ किरिङका ३७ बर्षीय लंक तामाङ र २६ बर्षीय तुलसी जिमीलाई एक थान भरुवा बन्दुक सहित प्रहरीले पक्राउ गरेको छ ।
भरुवा बन्दुक लुकाई छिपाई राखेको भन्ने सुचनाको आधारमा इलाका प्रहरी कार्यालय चैनपुरबाट खटिएको प्रहरी टोलीले तामाङ र जिमीलाई घर नजिकै जंगलभित्र घारीमा लोड गरी लुकाई छिपाई राखेको एक थान भरुवा बन्दुक सहित नियन्त्रणमा लिएको हो ।
भरुवा बन्दुकसहित पक्राउ परेका उनीहरुको थप अनुसन्धान तथा कानूनी कारवाही भइरहेको कोशी प्रदेश प्रहरी कार्यालय विराटनगरले जनाएको छ ।
