पथरी शनिश्चरे,
मोरङको पथरिशनिश्चरे वडा नम्बर १ , पूर्व पश्चिम राजमार्ग अन्तर्गत पश्चिम बस स्टेण्ड छेउमा अचेत अवस्थामा भेटिएकी ६० वर्षिया एक महिला डम्मर माया मुखियाको निधन भएको छ ।
सडकमा बिहोश अवस्थामा भेटिएकी ति महिला उपचारका लागि पथरी शनिश्चरे नगर अस्पतालमा पुर्याई चेक जाँच गर्ने क्रममा निजको निधन भएको डाक्टरले घोषणा गरेका थिए। स्थानीयले दिउँसो ३:२० बजेतिर सडकमा बेहोश अवस्थामा लडीरहेको भनी ईलाका प्रहरी कार्यालय पथरीमा जानकारी गरेपछि तत्काल घटना स्थलमा खटिएको प्रहरी टोलीले उपचारको लागि पथरी शनिश्चरे नगर अस्पतालमा पठाएको थियो।
प्रहरीले ति महिलाको साथबाट पाँचथर जिल्लाको फिदिम वडा नम्बर ८ ठेगाना उल्लेख भएको नागरिकताको प्रमाणपत्र , १ थान मोबाइल र केहि नगद फेला पारेको छ। निजको के कारण निधन भएको हो भनेर पुर्ण विवरण र मुजुल्का आई नसकेकाले केहि भन्न नसकिने र अनुसन्धानकै क्रममा रहेको ईलाका प्रहरी कार्यालय पथरीका डिएसपी मोहन विक्रम दहालले बताउनुभयो।हाल निजको शवलाई नजिकैको उर्लाबारी नगरपालिकामा मदनभण्डारी ट्रमा सेन्टरमा पोष्ट मार्टमको लागि राखिएको पथरी प्रहरीले जनाएको छ ।
