बिर्तामोड , अग्रवाल समाजका कुल प्रवर्तक श्री अग्रसेन महाराजाको ५१४८ औ अग्रसेन जयन्तीका अवसरमा १७ जना उत्कृष्ट विद्यार्थीलाई सम्मान गरिएको छ । अग्रसेन भवन बिर्तामोड र नेपाल अग्रवाल महिला मंच बिर्तामोडको संयुक्त आयोजनामा शनिवार साँझ अग्रसेन भवनमा भएको कार्यक्रममा मारवाडी सेवा समिति ,मारवाडी महिला मंच , मारवाडी युवा मंच र मारवाडी युवती मंच बिर्तामोडको सहयोग रहेको थियो ।
कार्यक्रममा एसईई परीक्षामा उत्कृष्ट अंक ल्याउने मारवाडी समुदायका विद्यार्थीहरुलाई सम्मान गरिएको हो । सम्मानित हुनेहरुमा महेक अग्रवाल , मुस्कान अग्रवाल , मेहेर अग्रवाल ,आकांक्षा गोयल , अनिक सिंघल ,कुशल डालमिया ,आयुष अग्रवाल , पुलकित अग्रवाल , दर्शिल अग्रवाल , लावन्या सरावगी , दिपांशु अग्रवाल , झलक वंशल अग्रवाल, मयंक अग्रवाल , युभिका गोयल , दिपककुमार गर्ग , क्षितिजकुमार मित्तल र कुनाल गट्टानी रहेका छन् ।
अग्रसेन भवन बिर्तामोडका अध्यक्ष सुरेशकुमार अग्रवाल ‘भद्रपुरे’ को अध्यक्षता तथा नेपाल अग्रवाल सभा विराटनगरका पूर्व अध्यक्ष देवेन्द्रकुमार राजगडियाको प्रमुख आतिथ्यमा भएको कार्यक्रममा अग्रसेन भवनका पूर्व अध्यक्ष दिनेश मित्तल ,नगर विकास समिति बिर्तामोडका पूर्व अध्यक्ष सज्जनकुमार वंशल , मारवाडी सेवा समितिका अध्यक्ष मोहनकुमार मित्तल धुलावारी अग्रवाल सभाका अध्यक्ष पुनित वंशललगायतले शुभकामना मन्तव्य राखेका थिए ।
अग्रसेन भवनका उपाध्यक्ष तथा कार्यक्रम संयोजक रमेशकुमार अग्रवालले स्वागत गरेको कार्यक्रमको संचालन सचिव दिपेन्द्रकुमार अग्रवालले गरेका थिए । कार्यक्रममा सांस्कृतिक प्रस्तुती समेत प्रस्तुत गरिएको थियो । अग्रसेन जयन्तीका अवसरमा शनिवार बिहान बिर्तामोडको एक किलोमिटरमा रहेको वृद्धाश्रमका वृद्धवृद्धाहरुलाई भोजन गराइएको अध्यक्ष भद्रपुरेले बताए । त्यस्तै शुक्रवार साँझ बिर्तामोडको मुक्तिचोकमा दीप प्रज्वलन गरिएको थियो ।
