दुल्लु।
दीपावलीको पटाका पड्काउँदा दैलेख घर भएका एक जना बालकको मृत्यु भएको छ ।
मृत्यु हुनेमा आठबिस नगरपालिका –३ साई गाउँका भीमबहादुर कठायतका १३ वर्षीय छोरा भूपेन्द्र कठायत छन् । दीपावलीको रकेट बम पटाकाको छर्रा उनलाई लागेको थियो ।
दायाँ छातीमा लाग्दा घाइते अवस्थामै अस्पताल लगे पनि चिकित्सकले मृत घोषणा गरेको परिवारका सदस्यले बताएका छन् । मृतक स्थानीय विद्यालयमा कक्षा ६ मा अध्ययनरत थिए ।
कमजोर आर्थिक अवस्थाकै कारण बुवा आमासँगै भारत गएका थिए । घटना भारतमा भएकाले आवश्यक जानकारी लिने काम भइरहेको जिल्ला प्रहरी कार्यालय दैलेखका प्रमुख प्रहरी नायव उपरीक्षक सुनिल दाहालले जानकारी दिए ।
